Arxitektura va shaharsozlik
Bugungi kunda shaharning barqaror rivojlanishini arxitektorlar ishtirokisiz tasavvur qilib boʻlmaydi. Zamonaviy sharoitda me’morchilikning ortib borayotgan roli arxitektura va dizayn faoliyatining turli shakllarini belgilab berdi. Arxitektor rassomni, muhandisni, mehnat, turmush va dam olish jarayonlarining tashkilotchisini uzviy birlashtirgan ijodkor shaxs –jamiyat taraqqiyoti istiqbollarini, atrof-muhitni yaxshilash vazifalarini tushunadigan va qobiliyatli mutaxassis sifatida shakllanadi. Arxitektura va shaharsozlik oldida turgan muammolarni hal qilish.
Ta’lim dasturining davomiyligi 4 yil. Oʻqish davrida talabalar – boʻlajak me’morlar san’at tarixi, arxitektura va shaharsozlik bilan bogʻliq boʻlgan turli fanlarni hamda qurilish mutaxassisliklari bilan bogʻliq fanlarni, xususan, qurilish materiallari, arxitektura inshootlari, arxitektura fizikasi, muhandislik kommunikatsiyalari va boshqalarni oʻrganadilar. Til oʻrganishga alohida e’tibor qaratilmoqda. Oʻquv jarayonining muhim qismini amaliy mashgʻulotlar egallaydi. Unda talabalar eng oddiy (yakka tartibdagi turar-joy binosi)dan tortib, murakkab, koʻp funksiyali obyektlar (jamoat markazi, teatr)gacha boʻlgan bino va inshootlarni loyihalash boʻyicha zamonaviy bilim va koʻnikmalarga ega boʻladilar.
Ishga joylashish imkoniyatlari:
Bitiruvchilar ushbu yoʻnalishni tamomlagach, asosan, yirik arxitektura korxonalari, turli dizayn va konstruktorlik byurolari, shuningdek, shaharsozlik loyiha institutlarida va landshaft dizayn sohalarida ishlash imkoniyatiga ega boʻladilar.