Qabul

Hujjatlar qabuli 2024-yilning 1-sentabriga qadar oflayn va onlayn tartibda universitetning rasmiy veb-sayti orqali (admission.kiut.uz) amalga oshiriladi. Roʻyxatdan oʻtish uchun quyidagi zaruriy hujjatlar taqdim qilinadi:

• Pasport yoki ID nusxasi (rangli);
• Litsey yoki kollej diplomi/umumiy oʻrta taʼlim maktabi attestati nusxasi (rangli);
• Elektron fotosurat (3,5 sm×4,5 sm) – oxirgi 3 oy ichida tushirilgan;
• Agar mavjud boʻlsa, chet tilini bilish darajasini tasdiqlovchi IELTS — 5.5/ CEFR — B1/ DuoLingo — 85/ TOEFL — 58/ TOPIK — 3 va yuqori natijali rasmiy sertifikat nusxasi (rangli).

Azim Samarqand shahri azaldan o‘zining go‘zalligi va navqironligi bilan dunyo hamjamiyatini o‘ziga tortib keladi. Shuningdek, bu ko‘hna kent geografik jihatdan O‘zbekistonning ko‘plab viloyatlari o‘rtalig‘ida joylashgan bo‘lib, u yerda turli millat va elatlar istiqomat qiladi. Samarqand shahrida turli davlat va nodavlat OTMlari, xorijiy nufuzli OTMlarning filiallari faoliyat yuritadi.

O‘zbekistonning nodavlat oliy o‘quv yurtlari orasida birinchilardan bo‘lib ISO 9001:2015 sertifikatiga ega bo‘lgan, ta’lim dasturlari xalqaro akkreditatsiyadan o‘tgan, ta’lim sifati va o‘qitish tizimi bo‘yicha yuqori pog‘onada turadigan Toshkent Kimyo xalqaro universiteti (avvalgi Toshkent Yodju texnika instituti)ning Samarqand filiali sahifasiga xush kelibsiz!

Universitet haqida qisqacha ma’lumot berib o‘tamiz.

Toshkent Kimyo xalqaro universiteti Samarqand filialida kunduzgi, kechki, sirtqi ta’lim shakllari mavjud bo‘lib, o‘zbek, rus va ingliz tillarida tahsil olinadi. Universitetda 38 ta bakalavr yo‘nalishlari va 22 ta magistratura mutaxassisliklari bo‘yicha ta’lim olish imkoniyati bor. Shuningdek, Universitetda talabalar uchun turli imtiyoz va imkoniyatlar, ichki va tashqi grantlar joriy etilgan. Jumladan, 25%, 50%, 75% hamda 100%lik ichki ta’lim grantlari mavjud bo‘lib, bilimli talabalar hamisha qo‘llab-quvvatlanadi.

Universitet xalqaro maqomga ega bo‘lib, hozirgi kunda Janubiy Koreya, AQSH, Turkiya, Belgiya, Malayziya, Buyuk Britaniya, Italiya, Rossiya, Ukraina, Finlandiya, Bolgariya, Polsha va Qozog‘istonning ko‘plab universitetlari va yetakchi tashkilotlari bilan o‘quv-uslubiy va ilmiy-tadqiqot sohalarida faol hamkorlik qilib kelmoqda. Toshkent Kimyo xalqaro universiteti tomonidan 60 ga yaqin memorandumlar, hamkorlik shartnomalari va talabalar almashinuvi shartnomalari imzolangan.
Hurmatli abituriyent! Kelgusi kasbingiz doirasida bilim oladigan ta’lim dargohini tanlashda adashmang. Nufuzli universitet talabasi bo‘lish uchun shoshiling! Hujjatlar 2024-yilning 1-sentabriga qadar onlayn (admission.kiut.uz platformasi orqali) va offlayn tarzda amalga oshiriladi. Hujjat topshirish uchun bu yerga bosing.

Quyidagi jadvalda joriy yildagi qabul yo‘nalishlari bilan tanishishingiz mumkin: