Chiroy estetikasi
Chiroy estetikasi – invaziv boʻlmagan yoki minimal invaziv usullardan foydalanishni oʻz ichiga olgan kosmetologiyaning bir boʻlimi.
Farq shundaki, bu sohada ishlashni rejalashtirgan mutaxassislar chiroy estetikasi yoʻnalishida bakalavr darajasini olishi lozim.
Bu soha egalari shifokor emas, ular sogʻliqni saqlash xodimlari ham emas. Ular tegishli maʼlumotga, mahoratga ega boʻlgan chiroy va teri mutaxassislaridir. Bu xizmat koʻrsatish sohasi, tibbiyotga tegishli boʻlmay, ayni paytda chiroy estetikasi diplomiga ega boʻlgan mutaxassis oʻz vakolati doirasida mijoz sogʻligʻiga bevosita masʼul hisoblanadi.
Umumlashtirganda, hozirgi kunda chiroy estetika yoʻnalishi boʻyicha ikki toifadagi mutaxassislar oʻz ish faoliyatini olib boradi:
- Shifokorlar (dermato kosmetolog va dermatovenerologlar)
- Chiroy estetika yoʻnalishi boʻyicha diplomi bor mutaxassislar
Chiroy Estetika dasturining (BSc. Beauty Aesthetics) asosiy maqsadi, ularni jahon shu jumladan milliy bozorda eng tez rivojlanayotgan segmentga nazariy va amaliy bilimga ega yuqori malakali diplomli mutaxassislarni tayyorlash.
Estetik kosmetologiya dasturi quyidagi nazariy bilimlarni va amaliyotni oʻz ichiga oladi:
- Kimyoviy va fizik pilinglar
- Yuz va tana parvarishi
- Lazer va apparat kosmetologiyasi
- Kosmetologiyada fizioterapiyaning asoslari
- Fraksion mezoterapiya/mikronidling
- Ineksiyasiz mezoterapiya
- Klassik, kosmetik, boʻshashtiruvchi va modellashtiruvchi yuz va butun tana massaji
- Salomatlik boʻyicha kouching
- Goʻzallik va salomatlik psixodiagnostikasi va psixologiyasi
- Qosh va koʻzlarning doimiy boʻyalishi
- Apparat va lazerlik epilyatsiya hamda klassik depilyatsiya
- Xalq tabobati asoslari
TAʼLIM QANDAY OʻTADI?
Oʻquv mashgʻulotlar professional-jihozlangan laboratoriyada, tajribali va yuqori malakali professor — oʻqituvchilar, akademik va ilmiy markazlarda ish faoliyatini olib boruvchi professional praktik tomonidan olib boriladi.
Intensiv oʻquv dasturini tugatgandan soʻng talabalar nafaqat estetik kosmetologiya sohasida, balki toʻgʻri ovqatlanish, kosmetika ishlab chiqarish texnologiyasi, amaliy psixologiya, kosmetologiya sohasida biznesni boshqarish boʻyicha parallel mashgʻulotlar olib borilganligi sababli bu sohalarda keng koʻlamli bilim va koʻnikmalarga ega boʻlishadi.
Toʻrt yillik kunduzgi bakalavr dasturi, oʻqishning birinchi bosqichidan boshlanadigan koʻplab amaliy mashgʻulotlarni oʻz ichiga oladi.
Kelajak mutaxassislar kosmetik nuqsonlarning oldini olish usullarini oʻzlashtiradilar va turli xil kosmetik nuqsonlar uchun maxsus davolash va profilaktika dasturlarini amalga oshirishlari mumkin.
Bakalavr darajasiga ega boʻlgan mutaxassis qanday holatlar bilan ishla oladi:
- muammoli teri, sezgir teri, tez qariyotgan teri;
- koʻplab kosmetik komponentlarga nisbatan oʻz sezgir yoki allergik teri;
- suvsizlangan, ikkilamchi qurib ketgan, tez qarigan teri;
- pigmentli teri yoki gipopigmentatsiyaga moyil teri;
- klassik chandiqlar va patologik chandiqlar
- soch muammolari:: soch toʻkilishning turli koʻrinishlari
- vazning tez yigʻilishi, semizlik;
- insulin rezistentlik;
- homilador va emizikli ayollarni oziqlantirish;
- turli yosh guruhlari uchun qarishga qarshi oziq-ovqatni tanla bila olish,
- biologik aktiv moddalarni tavsiya qila berish.
Taʼlim dasturini muvaffaqiyatli yakunlagan bitiruvchilar Chiroy estetikasi (BSc. Beauty Aesthetics) yoʻnalishi boʻyicha bakalavr darajasini oladilar.
BAKALAVR DARAJASIGA EGA DIPLOMLI KOSMЕTOLOG OʻZ KASBIY FAOLIYATINI QUYIDAGI SOHALARDA OLIB BORISH HUQUQIGA EGA:
- Ixtisoslashgan tibbiyot va kosmetologiya muassasalarida lazer texnologiyasi boʻyicha mutaxassis;
- Ixtisoslashgan tibbiyot muassasalarida nutritsiolog sifatida;
- Sanatoriy-kurort muassasalarida bakalavr diplomga ega boʻlgan oliy toifali kosmetolog;
- Kosmetologiya markazlarida kosmetolog-estet, va yuqori malakali mutaxassis tariqasida;
- Goʻzallik va salomatlik markazlarining boshqaruvchisi sifatida;
- Kosmetik mahsulotlar ishlab chiqarish massalarida yetuk kosmetolog-texnolog tariqasida;
- Ixtisoslashtirilgan taʼlim muassasalarida;
- Yirik kosmetik kompaniya va muassasalarida Kosmetolog-texnolog, kosmetika mahsulotlari boʻyicha mutaxassis, nutritsiolog yoki diplomli kosmetolog-estet tariqasida.
Chiroy estetikasi yoʻnalishi oʻzining mutaxassislik shifriga ega:
Taʼlim sohasi: Xizmat koʻrsatish sohasi.
Taʼlim yoʻnalishi: 61011100 – Chiroy estetikasi.
Yoʻnalish oʻquv rejasi, Sogʻliqni saqlash vazirligining Tibbiy taʼlimni rivojlantirish markazi tomonidan ishlab chiqilgan va tasdiqlangan.