"Kimyoviy kinetika. Tezlikka ta'sir etuvchi omillar. Fermentativ kataliz" mavzusida ochiq dars bo'lib o'tdi

Tibbiy-fundamental fanlar kafedrasi dotsenti v.b. Ikromjon Mamadoliyev DNT-S-252U guruhi talabalari uchun “Kimyoviy kinetika. Tezlikka ta’sir etuvchi omillar. Fermentativ kataliz” mavzusida mazmunli va amaliyotga boy ochiq dars o‘tkazdi.

📘 Dars davomida talabalar kimyoviy jarayonlarning mohiyati, reaksiyalar tezligiga ta’sir qiluvchi omillar hamda fermentlar yordamida kechadigan katalitik jarayonlar haqida batafsil ma’lumot oldilar.

🧪 Amaliy qism darsning eng qiziqarli bo‘limi bo‘lib, unda mavzuni mustahkamlash maqsadida bir nechta kimyoviy eksperimentlar namoyish etildi. Talabalar reaksiyalar tezligidagi o‘zgarishlarni kuzatib, har bir omilning jarayonga qanday ta’sir qilishi bilan bevosita tanishdilar.

🎓 Bunday ochiq mashg‘ulotlar talabalar bilimini mustahkamlash, ularni ilmiy izlanishlarga qiziqtirish va amaliy ko‘nikmalarini oshirishda muhim ahamiyat kasb etadi.