Bo'limlar

“Ijtimoiy-gumanitar fanlar” kafedrasi 2022-yilda tashkil etilgan.2023-yilda  kafedra tarkibidan pedagogika fanlari ajralib chiqdi. Kafedrada asosan 40 ga yaqin tarix fanlari va huquq fanlari o‘qitiladi. “Ijtimoiy-gumanitar fanlar” kafedrasida bugungi kunda 7 nafar asosiy shtat professor - o‘qituvchilari faoliyat yuritadi Kafedraning maqsadi – vatanparvar, fidoiy, o‘z kasbining ustasi, zamonaviy va jahon standartlari talabiga javob bera oladigan kadrlar tayyorlab chiqarishdir.

Kafedraning vazifalari:

• O‘quv-uslubiy ishlar sohasida – Bakalavr ta’limi davomida talabalarga sifatli, zamonaviy va innovatsion texnologiyalar asosida ta’lim berish
• Ilmiy-metodik ishlar sohasida – “Ijtimoiy-gumanitar fanlar” kafedrasi o‘qituvchilari Yevropaning ilg‘or davlatlarida ilmiy, pedagogik tajriba almashinuvlaridan o‘tgan bo‘lib, dars jarayonida zamonaviy ta’lim dasturlaridan foydalangan holda ilg‘or va motivatsion metodalardan foydalanadi. Jumladan, “Bumerang”, “Keys-Study” singari 80 ga yaqin metodlardan dars jarayonida foydalanib kelmoqda.
• Ilmiy tadqiqot ishlari sohasida – “Ijtimoiy-gumanitar fanlar” kafedrasi  professor o‘qituvchilari shu vaqtgacha 2 ta darslik, 3 ta o‘quv qo‘llanma, ikkita uslubiy qo‘llanma, 4 ta SKOPUS bazasida indekslanuvchi jurnallarda maqolalalar, 40 ga yaqin ilmiy maqola va tezislarni nashr etishga muvaffaq bo‘lgan. Kelgusida nashr etishga tayyorlangan 3 ta o‘quv qo‘llanmalari mavjud.
• Ma’naviy-ma’rifiy ishlar sohasida - “Ijtimoiy-gumanitar fanlar” kafedrasi professor o‘qituvchilari ma’naviy-marifiy sohada ko‘plab ishlarni amalga oshirib kelmoqda. Bu borada Universitetimiz rahbariyati yordamida O‘zbekiston Respublikasi Vazirlar Mahkamasi huzuridagi “Imom Buxoriy xalqaro tadqiqot markazi”, “Buyuk Ipak Yo‘li xalqaro tadqiqot markazi”, Samarqand viloyat IIB, Samarqand viloyat muzey-quriqxonasi, Samarqand viloyat arxivi, O‘zbekiston Respublikasi Din ishlari bo‘yicha qo‘mitaning Samarqand viloyat hududiy boshqarmasi kabi tashkilotlar bilan hamkorlikda turli tadbirlar tashkil qilib kelmoqda. Talabalarning bush vaqtlarini mazmunli o‘tkazi’hini ta’minlash maqsadida “Zakovat”, futbol, shaxmat va shashka bo‘yicha musobaqalar tashkillashtirib kelmoqda.Shu bilan birgalikda, Buxoro va Xiva singari mamlakatimizning tarixiy shaharlariga ekskursiyalar tashkil qilib kelmoqda.

Kafedrada fanlarini 4 yil davomida o‘zlashtirgan talabalar umumiy o‘rta, o‘rta maxsus, professional ta’lim muassasalarida, maktabdan tashqari ta’lim muassasalarida tarix fanlaridan zamonaviy pedagogik va axborot texnologiyalaridan foydalangan holda dars berish, O‘zbekiston Respublikasi Fanlar akademiyasi va tarmoq ilmiy tadqiqot institutlarida kompleks masalalarni yechish, ijtimoiy faoliyat sohasidagi barcha ishlab chiqarish obyektlari, turizmni rivojlantirishga qaratilgan tashkilotlar, muzeylar, arxivlar, tarixiy obidalar, davlat boshqaruv organlari, madaniy meros obyektlarida faoliyat yuritish huquqiga ega bo‘ladi. Universitetimizning aloqalari sababli kafedra ham dunyoning ilg‘or mamlakatlari  universitetlari, jumladan, “Irkutsk davlat universiteti” ijtimoiy-gumanitar fanlar kafedrasi, Novosibirsk “Arxeologiya va etnografiya ilmiy tadqiqot instituti” bilan xalqaro ilmiy hamkorlikni yo‘lga qo‘ygan.